ໂຄງການ “ສ້າງຮອຍຍິ້ມດ້ວຍການເເບ່ງປັນ” ຜ່ານກິດຈະກຳ “ໃຫ້ເລືອດໃຫ້ຊີວິດ ປະຈຳປີ 2023 ຄັ້ງທີ 2”

ໃນວັນທີ 12 ກໍລະກົດ 2022 ທີ່ຜ່ານມາ, ບໍລິສັດ ສຸວັນນີ ໂຮມເຊັນເຕີ ມະຫາຊົນ ທົ່ວປະເທດ ແລະ ສາຂາໄດ້ຈັດກິດຈະກຳ “Give Blood Save Life” ຫຼື “ໃຫ້ເລືອດ ໃຫ້ຊີວິດ” ຄັ້ງທີ 2 ຂອງປີ 2022 ໂດຍບໍລິສັດຈັດກິດຈະກຳດັ່ງກ່າວໃນທຸກໆປີ. ເຊິ່ງໄລຍະນີ້ແມ່ນການແຜ່ລະບາດຂອງພະຍາດໄຂ້ຍຸງ-ໄຂ້ເລືອດອອກ, ບວກກັບມີການຜ່າຕັດໃຫຍ່, ການເກີດລູກ ຫຼື ການເກີດອຸບັດຕິເຫດຕ່າງໆ ທີ່ເກີດຂຶ້ນຢູ່ເປັນປະຈຳ ເຮັດໃຫ້ອົງການກາແດງຂາດແຄນເລືອດ.
ເມື່ອເຫັນເຖິງຄວາມສໍາຄັນດັ່ງກ່າວ, ບໍລິສັດ ສຸວັນນີ ໂຮມເຊັນເຕີ ມະຫາຊົນ ຮ່ວມກັບ ອົງການກາແດງ ແຫ່ງ ສປປ ລາວ ກໍໄດ້ມີການບໍລິຈາກເລືອດ ປະຈຳສາຂາ 2 ຄັ້ງ/ປີ ເຊິ່ງການບໍລິຈາກຄັ້ງນີ້ນໍາໜ້າພາທາງໂດຍ ທ່ານ ວັດດານາ ສຸຂະບັນດິດ ຜູ້ອໍານວຍການໃຫຍ່ ບໍລິສັດ ສຸວັນນີ ໂຮມເຊັນເຕີ ມະຫາຊົນ ພ້ອມດ້ວຍທີມງານບໍລິຫານ ແລະ ພະນັກງານສຸວັນນີ ສະໝັກໃຈ ເຂົ້າຮ່ວມໃນການບໍລິຈາກເລືອດເພື່ອຊ່ວຍເຫຼືອສັງຄົມໃນຄັ້ງນີ້. ທັງນີ້ກໍຂໍຊົມເຊີຍແກ່ພະນັກງານຜູ້ທີ່ເຄີຍບໍລິຈາກເປັນປະຈຳ ແລະ ໄດ້ມີພະນັກງານຜູ້ທີ່ຕັດສິນໃຈໃຫ້ບໍລິຈາກເລືອດເປັນຄັ້ງທຳອິດອີກຫຼາຍທ່ານ ເຊິ່ງກິດຈະກຳດັ່ງກ່າວຍັງສະທ້ອນໃຫ້ເຫັນເຖິງການນໍ້າໃຈເສຍສະຫຼະຂອງພະນັກງານທຸກໆຄົນພາຍໃນບໍລິສັດທີ່ຕ້ອງການຊ່ວຍເຫຼືອສັງຄົມອີກດ້ວຍ.
ທ້າຍສຸດນີ້, ບໍລິສັດ ສຸວັນນີ ໂຮມເຊັນເຕີ ມະຫາຊົນ ຍັງມີຄວາມເປັນຫ່ວງເປັນໃຍສັງຄົມ ຍິ່ງໄດ້ຮູ້ເຖິງບັນຫາການຂາດແຄນເລືອດຂອງແຕ່ລະໂຮງໝໍໃນແຕ່ລະແຂວງ ຈຶ່ງຂໍເປັນອີກສ່ວນໜຶ່ງໃນການຊ່ວຍເຫຼືອສັງຄົມ ແລະ ຂໍເຊີນຊວນໃຫ້ຜູ້ອ່ານທຸກໆທ່ານຮ່ວມໃຈກັນບໍລິຈາກເລືອດ ກັບຈຸດທີ່ໃຫ້ບໍລິການໃນເຂດໃກ້ຄຽງ.
ສຸວັນນີ ໂຮມເຊັນເຕີ ຈິນຕະນາການທີ່ເປັນໄປໄດ້😍

ສ້າງຮອຍຍິ້ມດ້ວຍການແບ່ງປັນ